Ці бываюць канікулы ў дзіцячым садзе? Вядома, і яшчэ якія! Толькі ў адрозненне ад школьнікаў, дашкаляты падчас канікул наведваюць дзіцячы сад, але звыклыя заняткі ў гэты час не праводзяцца. Затое праходзяць забаўляльныя мерапрыемствы, якія дазваляюць дзецям адпачыць, аздаравіцца, задаволіць патрэбнасць у самавыяўленні і зносінах з аднагодкамі, праявіць творчыя здольнасці.
Кожны дзень канікул быў насычаным і ўключаў разнастайныя па змесце мерапрыемствы: дзень кнігі, дзень беларускіх традыцый, дзень бяспекі, Дзень спорту, дзень гульні і цацкі, Дзень прыроды...
Спадзяемся, што станоўчыя ўражанні ад канікул надоўга запомняцца нашым выхаванцам.
